عفريت طلع لإتنين
كانوا وحدهم ماشيين
قال ... بِخ ... بيخوِّف
قالوا إحنا مش خايفين
إستغرب العفريت
قال إيه اللى جرى ليّا؟
قدراتى راحت فين؟؟؟
ماعادتش ليه هيّا؟
فين لما كنت أرعب
بدل الواحد ميه
ردوا عليه وقالوا
إنسى بقى اللى كان
راحت على العفاريت
دا الخوف من الإنسان
هوه اللى بأه يرعب
أكتر من إبن الجان
قتل ونصب وخداع
ومالوهش يابنى أمان
ولما تآمن له ...
تلاقيه بسرعه خان
جرى العفريت أوام
مرعوب وديله فى سنان
وقال آسف ياناس
غِلِطت فى العنوان
يارب ماتُحكم
يِطلعلى يوم إنسان